hypatia

Despois da celebración da II edición do Programa Hypatia de xestión compartida entre os Concellos de Xinzo de Limia, Sandiás e Vilar de Barrio toca o memento dunha breve valoración.

Estiveron presentes a Conselleira de Emprego e Igualdade, Elena Rivo, o delegado territorial Gabriel Alén, a Secretaria Xeral, María Teresa Miras, e os alcaldes dos concellos de Xinzo de Limia, Amador Díaz;  Vilar de Barrio, Manuel Conde; Sandiás, Felipe Traveso, a concelleira de Igualdade do Concello de Xinzo de Limia, Ángeles Martínez e a responsable do Programa Hypatia, Laura Seara.

O Programa, cofinanciado polo Fondo Social Europeo e a Xunta de Galicia a través da Consellería de Promoción do Emprego e Igualdade ofrece unha intervención multidisciplinar a través de formación, obradoiros e un servizo gratuito e profesional de asesoramento xurídico, psicolóxico e laboral axustado ás necesidades das participantes.