O polígono recibirá unha inxeción de case 102.000 € para melloras das infraestructuras
Foron concedidas pola Consellería de Economía Industria e Emprego da Xunta de Galicia
![poligono xinzo](/asset/thumbnail,992,558,center,center/media/xinzodelimia/images/2019/05/29/2019052921102787351.jpg)
No día de hoxe, notificóuselle ó Concello de Xinzo de Limia a resolución da Consellería de Economía, Emprego e Industria da Xunta de Galicia pola que se lle concedeu unha subvención por importe de 101.893,66€ para a habilitación e mellora de infraestruturas do seu parque empresarial.
Dita subvención, provinte do marco de axudas encamiñadas á habilitación e mellora de infraestruturas dos parques empresarias da Comunidade Autónoma de Galicia para o ano 2019 da Xunta de Galicia, permitirá o asfaltado dos viais do Parque Empresarial de Xinzo de Limia.
Así pois a andadura da nova Corporación Municipal que se constitúa tralas últimas eleccións municipais comezará con boas novas e unha importante axuda económica aos efectos de acometer ditas melloras no parque empresarial de Xinzo de Limia.