Xinzo de Limia, a 03 de xullo de 2023. No Concello de Xinzo de Limia comezou este luns día 3 o Campus de Verán para crianzas de 4 a 12 anos. Durará todo o mes de xullo e está promovido polas Escolas Deportivas. As actividades realizaranse en horario de 10.00 a 13.30 horas. Máis de 150 nenas e nenos disfrutarán  durante este mes de xullo do Campus de Verán.

Ademáis deste campamento e das múltiples actividades que xa se fixeron (roda de Capoeira, Torneo de Baloncesto Vilas Internacional, XinzoFit23, os campus de ximnasia, futbol e basket; e o torneo de fútbol 7 en Piñeira Seca), a oferta deportiva para o verán en Xinzo de Limia é atractiva e variada. A Concelleira de Deportes, Cristina Campero, aproveitou o inicio deste campus para lembrar o resto de actividades previstas durante o verán, sen contar “outras ideas que están sobre a mesa, como por exemplo a creación dun torneo de fútbol sala feminino”.

8 e 9 de xullo: torneo de Fútbol 7.

Do 10 ó 30 de xullo:  torneo de Tenis Vila de Xinzo.

15 e 16 de xullo: maratón de Fútbol Sala nas Festas de Santa Mariña.

Do 21 ao 23 de xullo: torneo de Pádel Vila de Xinzo.

Do 29 de xullo ó 6 de agosto: campus Salva Arco.

Do 31 de xullo ó 4 de agosto: campus Real Club Celta de Vigo.

5 de agosto: torneo 3x3 Baloncesto