Xinzo de Limia, a 10 de xuño de 2024.  O Concello de Xinzo de Limia anuncia que, pensando no benestar das dúas veciñas e veciños, a piscina climatizada seguirá aberta durante todo o mes de xullo. Esta decisión coincidirá coa apertura das piscinas exteriores de verán e está deseñada para ofrecer aos veciños unha maior variedade de recursos co obxectivo de manter a saúde física e mental durante a tempada estival.

A apertura simultánea de ambas instalacións reflicte o compromiso do Concello coa promoción dos hábitos de vida saudable e a importancia de ofrecer espazos adecuados para o fomento da actividade física e a relaxación mental. “As piscinas climatizadas son un recurso de alto valor durante os meses máis fríos, e a súa dispoñibilidade durante o mes de xullo permitirá á veciñanza seguir coas súas rutinas de natación así como os seus hábitos acuáticos”, afirma Cristina Campero, concelleira de Deportes. 

Os horarios de apertura para a tempada de verán serán os seguintes:

• Piscina Climatizada: de 07:00 a 12:00 de luns a venres.

• Piscina Municipal exterior: de 12:30 a 20:30 todos os días de verán.