O grupo LIMISI realizou unha petición de apoio aos representantes dos distintos concellos para que teñan en conta as dificultades e a precariedade coa que han de convivir as entidades de ámbito comarcal, municipal e rural.

A consecuencia desta petición, o grupo de goberno presentará unha moción no seguinte pleno para que sexa posible un maior apoio institucional e económico a estas entidades socioeducativas, que son imprescindibles para a promoción e a integración de persoas con diversidade funcional, grupo de especial risco de exclusión social.

Dita moción pretende ser unha mostra de agradecemento e soporte ao gran labor realizado por estas entidades.